字面意思
以前啲蠟燭，燭芯越細就燒得越耐，算係上品；燭芯粗就燒得快。相傳以前廣州番禺市橋有啲無良商家，為咗呃客，會將蠟燭露出嚟嗰段燭芯整到好幼好白，但蠟燭入面包住嗰段就又粗又劣。
引申意思
廣東話入面，「芯」同「心」同音。市橋買返嚟嘅蠟燭，外表係「細芯」，入面其實係假嘅。所以就用「市橋蠟燭」嚟比喻啲人「假細心」，表面上對你無微不至、獻殷勤，其實入面虛情假意，另有目的。
例句
佢平時對人唔理唔睬，突然間買晒糖水又問候你，擺明係市橋蠟燭──假細心啦，實係想借錢！
歇後語
細味歇後語，感受粵語嘅智慧同幽默。