字面意思
以前啲人認為冬至之後嘅臘鴨品質最好。而喺冬至之前（冬前）醃製嘅臘鴨，品質會比較參差。商家為咗唔好賣淨啲貨，就會將一隻靚嘅臘鴨同埋一隻冇咁靚嘅臘鴨綁埋一齊搭單賣，叫做「一隻掕一隻」（「一揪二掕」個「掕」，讀 lang3）。
引申意思
用嚟形容兩個人（通常係情侶、夫妻或者拍檔）外形或者性格好大對比，例如一個肥一個瘦、一個高一個矮、一個霸道一個腍善，但偏偏佢哋又行埋一齊，互相補足。有時亦會用嚟形容賣嘢嗰陣，將好同壞嘅貨品搭單一齊賣。
例句
你睇吓陳生同陳太，一個又高又瘦，一個又矮又肥，真係冬前臘鴨——隻掕隻，不過佢哋又幾恩愛喎。